Monday, October 23, 2006

العيد فرحة.. يا سلاااااااام ؟؟

يعني بيقولك العيد التلات مع ان السعودية ح تفطر بكرة ... قالها الراجل الجالس في اخر القهوة..و هو بيشد نفس من الشيشة التفاح و يترصد كل من يدخل و يخرج من القهوة...و اكمل

علي كدة احنا صمنا غلط و لا ايه يا رجالة؟؟

بالعكس بقي.ده احنا اللي صح... و هما اللي اتفزلكوا و شافوا عطارد مش الهلال..اهو حتي بص الجرنال بيقولك كدة..بص معايا.. و مال عليه راجل في الثلاثينيات من عمره و بيده جريدة ما..متقمصا دور المحلل الاستراتيجي

يعني العالم دي كلها صامت غلط و لا ايه؟؟ ذنب مين ده بقي؟

فرد عليه الشاب الملتحي و هو يلقي بالزهر :يا سيدي ده اجتهاد مفتي..و مش عليك غير انك تتبع مفتي بلدك و معلكش اثم ان شاء الله...و حتي هو مجتهد يعني معليهوش ذنب

ماشي يا عم المفتي... اهو رمضان خلص و عدا و لا حسينا بيه..وكل سنة و انتم طيبين..كان رد صديقه العجوز وهو يراقب زهر الطاولة بينهما

همهمات التهنئة.. و عادالرجل ليقول : و انت بالصحة و السلامة... بس تصدق ان فعلا رمضان و العيد مالهومش طعم السنة دي..مش عارف ليه كدة!!.

ومع دخان الشيشة, قال العجوز : الناس قرفانة يا عمي.. حال البلد في النازل و الناس نسيت الفرح..و مبقاش حد عارف يفرح.. فين ايام ما كنا نشوف صواني الكحك نازلة الفرن.. و الستات نازلة تشتري المكسرات و الملبن و الدقيق و السمن بالكيلو و قاعدين ينقشوا و يعملوا... ايام بقي

شاب متزوج حديثا رد متهكما: يعملوا ايه يا جدو؟؟ كحك؟؟؟ ... و الله انت راجل طيب.. انا لسة مراتي قبل ما انزل بتقولي ايدك علي ميتين جنيه بالميت كدة..و قولتلها ليه يا ستي.. بتقولي ح انزل اجيب الكحك و البيتيفور.. ليه يعني.. يطلع بكام كيلو الكحك و كيلو البيتيفور يعني

انت مش عايش في الدنيا و لا ايه؟..ده كيلو البيتيفور وصل لاربعين جنيه دلوقتي و طالع..و طبعا شوف كام صنف ح تجيب.. بسكوت جوز هند و نشادر و كحك سادة للعيال..و كحك بملبن ..و بيتيفور اشكال و الوان.. كانت مداخلة جديدة من المحلل الاستراتيجي الرسمي للقهوة ..ونادي علي الحوافريت.. تعالي يا بني غير الحجر بلاش قلة مزاج

ضاحكا اضاف العجوز : اه بقي..و لازم من كل دول تجيب لحماتك و ليك و لوالدتك..احمد ربنا ان مراتك طلبت متين جنيه بس... و اعتلت الضحكات..و بدا القلق علي وجه الشاب مفكرا بالمصاريف القادمة

ترك الشاب الملتحي الطاولة فجأة و قام بتوزيع بعض المطبوعات علي زبائن القهوة..و سط استغراب البعض

ايه يا بني ده.... " ماذا بعد رمضان؟"..ايه ده؟؟

رد عليه الشاب: بعد ما خلص رمضان.. احنا كلنا في امتحان للايمان ان كنا ح نثبت علي الطاعة و لا دي كلها كانت مظاهر ايمانية للشهر الفضيل و السلام؟

تصدق عندك حق.. نص اللي كان مواظب علي صلاة الجماعة في المسجد في رمضان و لا حتلاقيهم من بعد صلاة العيد من بكرة.. كانوا واخدين العبادة منظرة.. الحاج رايح الجامع و جاي من الجامع..و في ايده سبحة.. بس روحانيات الشهر راحت.. و حترجع ريما لعادتها القديمة.. و الناس اللي قايمة نايمة و المصحف في ايدها ح يتركن علي تابلوه العربيه تاني

بدا الاسف علي الوجوه من النفاق السائد ..و استمر الشاب بتوزيع مطبوعاته الدينية.. و دخل احد الاصدقاء الدائميين للقهوة منهكا و القي السلام

و عليكم السلااااام و رحمة الله ... ايه يا معلم فينك..مستنينك من الصبح؟

اصل انا و الجماعة لسة كنا بنجيب لبس العيال..و الشوارع زحمة و الجو حار .. قالها و هو يمسح عرقه و يرتشف بعض الماء البارد
واخبار السوق ايه و المحلات؟؟


الدنيا مولعة..و محدش بيشتري..و مافيش فرحة العيد خالص علي وشوش الناس.. ما الدنيا طول عمرها غالية..و كنا بندفع برده مضطرين..و نشتري.. بس كنا فرحانين.. معرفش مالنا ..محدش حاسس بفرحة ليه

فرحة ايه يا معلم و البلد منهوبة...و وارثنها و التعليم في الضياع..و ابنك مش عارف تجوزه..و بنتك عايز تسترها و خايف عليها من الزمن ده.....و اخلاق راحت من زمان... السعادة خرجت و لم تعد... تيجوش نعملها اعلان في باب المفقودين في الجرايد.. ابحث مع الشرطة و مكافأة مجزية لمن يجد السعادة؟!؛

هنا ضجت القهوة بالضحكات...و عادت اصوات الزهر و الطاولة و ايوووووووووة جاي

وانساب صوت ام كلثوم من الراديو و هي تشدو يا ليلة العيد

كل سنة و انتم طيبين

18 comments:

Mamdouh Dorrah said...

كل سنة و انتي طيبة يا ابيتاف....بجد البوست ده جميل... حاولتي ترصدي مشاكل المجتمع بروح بسيطة و ساخرة في نفس الوقت...الغلاء و انعدام الاحساس بالفرحة و الهموم الكتيرة عبرتي عنها هنا بلقطات صغيرة و حلوة

كل سنة و انتي طيبة

Randomly said...

كل سنة و انتي طيبة، بس فعلا ما حدش حاسس بعيد و لا غيره

مفلس افندى الرايق said...

ههههههههههههههههه
انتى جامده بجد وانا هاروح ابحث عن السعاده
وطبعا ماهلقيهاش كالعاده
ولو لقيت السعاده
هتكون سعاده ساده


كل سنه وانتى طيبه

Aladdin said...

Epi, I suggest that you reformulate your 'salamtro' posts into a 'play' to be staged for our faculty, what du think?

كلمه said...

loooooooool ...kol sana w enty tyba :D ... mesh har3`y keteer 2slek y3ni mesh me7taga elkalam de ..bs bgd NICE POST :D

FrEe.PhArAoH said...

بوست روووووووووووووووووعة

سعادة مين والناس نايمين .. كل سنة وانتى طيبة .. معدش

تحياتى

Polka Dotted said...

Kol sana we7na tayebeen ya regalet salamtro w setatt-ha
wel sana el gaya neb2a a7san markaz shabab lel shisha f masr

tamam ya m3alema epi... el 7agar 3al nar w ama yestewy 7ay2ol lel 7'oiar ya lobiaaaaaaaaa

من القلب said...

كل سنة وانتى طيبة

^ H@fSS@^ said...

كل سنة وانتوا طيبين
بوست تحفة يا ايبي
تحياتي لكل رواد القهوة و ابعتيلي حجرين معسل تفاح و عنب
تحياتشي

We2am said...

wooooooooooooow wow wow..esh6a ya epi..el sa3ada 7'arget wlam ta3od?!! :)
ta3ber kowes fe3lan..bas mmken nedawar w bta3..kol sana w 3'erna tayeb b2a..bomnsbet el sawad elle masr feh dah :D

Anonymous said...

Mamdouh el Dorrah
Cortex undercover :P lool
و انت طيب يا باشا
الحوافريت نزل الشيشة العجمي للباشا
:))

egiziana
منورة القهوة
و ربنا يسعد ايامنا يا رب

مفلس افندي الرايق
زبون القهوة الدايم
ههههههههه
ايه السعادة السادة دي
انا عايزاها سكر زيادة

aladdin
وليه كدة طيب؟
loool

kelma...
ya m3lem rafe3 mn ro7y el m3danya keda...w feeh 2esha3a metla3aha batabeet en feeh far fi el 7albesah :D lol
emsekoooh..
el 7awfreet ..mosh el far :D LOL

free pharoah
وانت طيب
و الناس ح تفضل نايمة لامتي؟؟

batabeeet,
ana batalt sheesha.. w medyaha asad delw2ty :D

nolovenolife,
وانتي طيبة يا جميلة
تشربي ايه؟؟

حفصة
ايه رأيك يا معلمة في القهوة؟؟
اديها شيشة معانا بقي
وكل سنة و انتي طيبة

we2am
looool..kol sana WE7NA mara mn nefsena taybeen! :D

مفلس افندى الرايق said...

سيدتى الرقيقه صاحبة القهوه
انا عاوز فنجان سعاده سكر زياده


كل سنه وانتى طيبه يا قمر

Mother Mary Carol Anne said...

Well. this certainly is different.
With absolutely no idea at all of anything going on here - just wanted to say Hi from Canada. International Bubble blowing contest going on - contestants from Canada and Sweden - I think I've got it wrapped up, but there are some pretty awesome bubbles coming out of Sweden!!!

مفلس افندى الرايق said...

هو البلوج معلق معاكى لسه؟

Anonymous said...

مفلس افندي الرايق
لا الحمد لله عقدته انفكت و جبت الحوافريت يبخره و علقت خرزة زرقا و كله تمام الحمد لله
قهوة سعادة سكر زيادة للباشا المفلس بسرعة هنا علي حساب صاخب المخل
:D

Mother Mary Carole Anne,
welcome!!

Butterfly said...

looooooooooooooooooool gamed awi elpost da w to7fa aslan....ama 3an el valentine's day ana actually ma3ndish e3terad 3alih awi bas ba3trd 3ala elmanazer eli bashofha f eliom da betb2a tesed elnefs w elnas betb2a 3aysha eldor awi y3ni ...........bas fakaroni magish el valentine 3ndokoooo f elcafee
w happy valentine's

Anonymous said...

looooool

teshraby eh ba2a ya 7yatchy ? :D

Anonymous said...

ومين ده الي اصلا بيفرح في رمضان؟؟؟ الناس بيتحكو على بعض